Ulrich von Lichtenstein

In dem walde süeze doene

In dem walde süeze doene
singent kleiniu vogelîn.
an der heide bluomen schoene
blüejent gen des meien schîn.
alsô blüet mîn hôher muot
mit gedanken gen ir güete,
diu mir rîchet mîn gemüete
sam der troum den armen tuot.

Ez ist ein vil hôch gedinge
den ich gen ir tugenden trage,
daz mir noch an ir gelinge,
daz ich sælde an ir bejage.
des gedingen bin ich frô.
got geb daz ichz wol verende,
daz si mir den wân iht wende
der mich fröit sô rehte hô.

Sie vil süeze, valsches âne,
frî vor allem wandel gar,
lâze mich in liebem wâne
die wîl ez niht baz envar;
daz diu fröide lange wer,
daz ich wænens iht erwache.
daz ich gen dem trôste lache
des ich von ir hulden ger.

Wünschen unde wol gedenken
dest diu meiste fröide mîn.
des sol mir ir trôst niht wenken,
sie enlâze mich ir sîn
mit den beiden nâhen bî,
sô daz si mit willen gunne
mir von ir sô werder wunne,
daz si sælic iemer sî.

Neuhochdeutsch:

In dem Walde süße Weisen singen kleine Vögelein. Auf der Heide die schönen Blumen blühen im hellen Licht des Maien. Ebenso erblüht meine Hochstimmung im Gedenken an ihre Güte, die mir mein Herz reich macht wie der Traum es den Armen tut.

Es ist eine sehr anspruchsvolle Hoffnung, die ich auf ihre höfische Bildung setze, dass ich bei ihr Erfolg habe, dass ich Beglückung bei ihr erlange. Dieser Hoffnung bin ich froh. Gebe Gott, dass ich zum erwünschten Ziel komme, dass sie meine Erwartung nicht enttäuscht, die mir so eine richtig große Freude bereitet.

Die Süße, ohne Falsch, ganz frei von jedem Makel, sie lasse mich in der schönen Hoffnung, solange es nicht besser sein kann. Mag die Freude lange währen, möchte ich doch aus dem Hoffnungstraum nicht erwachen, könnte ich dem Trost entgegenlachen, den ich von ihrer Huld begehre.

Hoffen und freundliches Erinnern sind meine größte Lust. Der Trost von ihrer Seite ist mir sicher, dass sie mich mit beidem ihr nah sein lässt, dass sie mir gern die große Seligkeit gewährt, die von ihr ausgeht, dass sie mich immer glücklich macht.