A scharfer Zeug'n

Beim G'richt, da ham's zum Zeug'n g'sagt:
"Du warst dabei!
Jetzt sag's, wenn hast an Hans begegnet?"
"Um halbe drei."

"Kunnt's nit dreiviertel g'wesen sein?
So sag's nur frei!
Auf dös kimmt jetzt dös Ganze an — !"
"Um halbe drei."

"Ja, geht dei Uhr denn so akkrat?
So b'sinn di' nur!"
"Ja", sagt der Zeug'n, "akkrat geht's nit,
I han koa Uhr!

Mir hat mei' Lebtag neamand nie
No' koane g'schenkt."
"Wie woaß'st denn na, daß's halbe war?"
"I hab mir's — denkt!"