Hardloub Johannes (Johans Hadloub)

swem ist mit edlem sange wol

swem ist mit edlem sange wol
des herze ist vol gar edler sinne
sanc ist ein sô gar edlez guot
er kumt von edlem sinne dar
durch frouwen klâr durch edel minne
von den zwein kumt sô hôher muot
waz waer diu welt enwaeren wîp sô schoene
durch sî wirt sô vil süezekeit
durch sô man wol singt unde seit
sô guot gereit und süez gedoene
ir wunne sanc ûz herzen treit