Een schön Vergnügen

"Möcht' wissen, was bei Strupps geht vor!"
So dacht' bi sich de Herr Pastor,
As he ut sine Wohnung kem
Un een gewaltig Schrei'n vernehm. —
So fix, as he man ichtens künn,
Güng' he dat Schrein noh, un as he stünn
Vör Struppen sine Gorendör,
Seg't he, dat Strupp een'n Jung'n hadd vör,
Den hadd he öwer't Knee sich leggt
Un stramm em treckt de dünnen Büxen
Un ded' em jämmerlich verwichsen,
As hadd de Jung' wat Schlimm's vullbröcht.
"Herr Nachbar", röp de Pastor lut,
"So große Wut tut selten gut;
Stell'n Sie das Schlagen endlich ein,
Sie hau'n den Jung'n ja kurz und klein!
Wer ist der kleine Bösewicht?
Der wohnt doch hier im Dorfe nicht."
"Is ut Berlin, min'n Söhn sin Jung'", säd' Strupp,
"De hölt sich hier to sin Vergnügen up!"