Friedrich von Hausen

Ich sihe wol, daz got wunder kann
von schoene würken ûz wîbe.
daz ist an ir wol schîn getân,
wan er vergaz niht an ir lîbe.
Den kumber, den ich lîde,
den wil ich gerne hân,
ze diu daz ich mit ir belîbe,
und al mîn wille sül ergân.
min vrouwe sehe, waz sî des tuo!
dâ stât dehein scheiden zuo.
Si gedenke niht, daz ich sî der man,
der sî ze kurze wîlen minne.
ich hân von kinde an sî verlân
daz herze mîn und al die sinne.
Ich wart an ir nie valsches inne,
sît ich sî sô liep gewan.
mîn herze ist ir ingesinde
und wil ouch staete an ir bestân.
mîn vrouwe . . .

Übersetzung:
Ich sehe gut, daß Gott wahre Wunder /
an Schönheit bei einer Frau bewirken kann. /
Das ist an ihr sichtbar geworden, /
denn er vergaß nichts bei ihrem Aussehen. /
Den Schmerz, den ich erleide, /
den will ich gerne ertragen, /
dafür, daß ich bei ihr bleiben kann /
und alle meine Wünsche sich erfüllen. /
Meine Herrin soll darauf achten, wie sie das ermögliche! /
Da gibt es keine Ausflucht.
Sie soll nicht denken, daß ich ein solcher Mann bin, /
der sie nur zur Kurzweil liebt. /
Ich habe seit meinen jungen Jahren mein Herz /
und alle Sinne ihr überlassen. /
Ich habe an ihr nie einen Fehler entdeckt, /
seitdem ich mich so in sie verliebt habe. /
Mein Herz ist ihre Dienerin /
und will unverbrüchlich bei ihr bleiben. /
Meine Herrin . . .